བོད་ཀྱི་སྐད་ཡིག

མི་རིགས་ཤིག་གི་གཟི་བརྗིད་དང་འཚོ་གནས།

བེ་རི་དགོན།

བེ་རི་དགོན་གྱི་ལོ་རྒྱུས།

 

བེ་རི་དགོན་པའམ་བེ་རི་དཔལ་ལྡན་འགྲོ་ཕན་གླིང་ནི། དཀར་མཛེས་རྫོང་གི་ནུབ་ཕྱོགས་སུ་སྤྱི་ལེ་བཅུ་གཉིས་ཀྱི་ས་མཚམས་གསེར་མཁར་ཆུས་གསེར་མཁར་ཞང་གི་མངའ་འོག་ཏུ་ཆགས་ཡོད། བོད་ཀྱི་རབ་བྱུང་བཅུ་པའི་ས་བྱི་སྤྱི་ལོ་༡༦༤༨ལོར་སངས་རྒྱས་སྨན་བླའི་རྣམ་འཕྲུལ་ཨེམ་ཆི་ངག་དབང་ཡེ་ཤེས་ཀྱིས་བཏབ་པའི་གྲུབ་མཐའ་དགེ་ལུགས་པ་ཡིན།

དང་པོ། དགེ་རྟག་སྨྱུང་གནས་པས་ལྷ་ཁང་ཐོག་མར་བཏབ་ཚུལ་སྐོར། དེ་ནས་སྔར་གྱི་དུས་ངེས་མེད་ཞིག་ལ་བླ་རྒན་ཞིག་གཙང་ཆུའི་སྲིབ་འགྲམ་ནས་བརྒྱུད་པའི་སྐབས་སུ། ཁོང་གིས་ཉིན་ངོས་ཀྱི་བྲག་རི་མཐོང་ཙ་ན། ཐུགས་སུ་གནས་འདི་ཡ་མཚན་ཆེན་པོ་འདུག རྒྱབ་རི་བྱ་ཁྱུང་ཆེན་གྱི་གཤོག་སྒྲོ་བརྐྱངས་འདྲའི་སྙིང་དབུས་སུ་ནོར་བུའི་ཐིག་ལེ་བཤམས་པ་ལྟ་བུ་ལ་དགོན་པ་ཞིག་བཏབ་ན་ཅི་མ་རུང་སྙམ་སྟེ། རི་བོ་དེའི་གཡོན་གྱི་གོང་རོལ་ན་དགེ་ལེགས་རྟག་བརྟན་ཟེར་བའི་རི་ཁྲོད་ཆུང་ངུ་ཞིག་ཡོད་པ་དེར་མཚམས་ལ་བཞུགས་པར་མ་ཟད། དེར་བཞུགས་སྨྱུང་གནས་པ་དེ་ལ་སྐུལ་སློང་གིས་རི་བོ་ཁྱུང་གི་གཙུག་ཏོར་ལ་ལབ་རྩེ་དང་ནོར་བུའི་ཐིག་ལེ་ལ་དགོན་པ་བཞེངས་སུ་བཅུག དེ་ནས་ད་བར་དུ་དགོན་པ་འདིར་ས་གཡོ་རྒྱུགས་ཐེངས་དུ་མའི་གཏོར་བཤིག་ཐེབས་པས་བཤད་སྲོལ་ལྟར་ན། དེ་ནི་དགེ་རྟག་སྨྱུང་གནས་པས་བླ་རྒན་གྱི་བཀའ་བཞིན་དགོན་པའི་ཆགས་གནས་ནོར་བུ་ཐིག་ལེའི་ཐོག་ཏུ་མ་འཁེལ་བར་ཁྱུང་ཆེན་གཤོག་སྒྲོ་གཡས་འདབ་ལ་བཏབ། གཤོག་སྒྲོ་ནི་རྟག་པར་གཡོ་བཞིན་ཡོད་པས་ས་གཡོ་མང་བ་ནི་དེའི་རྒྱུ་མཚན་ཡིན་པར་སྐད། སྐབས་དེར་ཤིང་ཆ་སོགས་ཀྱི་སྦྱིན་བདག་ལ་ཡུལ་ལུང་ལྷ་རི་བྱ་རྒོད་ཚང་ཕེབས་ནས་ལྷ་ཁང་དཔེ་མི་སྲིད་པ་ཞིག་བཞེངས་ཐུབ་པ་བྱུང་བས་དེ་ནི་ད་ལྟའི་འདུ་ཁང་གི་གཞི་ཡིན།
[…]

རྗེ་དམུ་དགེ་བསམ་གཏན་རྒྱ་མཚོ།

Bildergebnis für དམུ་དགེ་བསམ་གཏནདཔལ་མགོན་འཕགས་པ་ཀླུ་སྒྲུབ་ཀྱིས། ཧ་ཅང་ཕྱུག་པོའི་ཁྱིམ་དུ་མི་སྐྱེ་ཞིང་། །ཧ་ཅང་དབུལ་བོའི་ཁྱིམ་དུ་མི་སྐྱེ་བར། །བར་མ་དག་གི་ཁྱིམ་དུ་སྐྱེ་བར་ཤོག། ཅེས་གསུངས་བ་བཞིན་རྗེ་དམུ་དགེ་བསམ་གཏན་རྒྱ་མཚོ་དཔལ་བཟང་པོའམ་ཡོངས་གྲགས་སུ་མཁས་དབང་དམུ་དགེ་བསམ་གཏན་དུ་འབོད་པའི་དམ་པ་གང་ནི། སི་ཁྲོན་ཞིང་ཆེན་ཟུང་ཆུ་རྫོང་གི་ཁོངས་སུ་གཏོགས་པ་དམུ་དགེ་ཞེས་བྱ་བའི་དགོན་འོག་སོག་པོ་རུ་ཟེར་བའི་རོང་སྡེར་ཡབ་དགེ་འདུན་སྐྱབས་དང་ཡུམ་ཨ་ཚེ་གཉིས་ཀྱི་སྲས་སུ་རབ་བྱུང་བཅོ་ལྔ་བའི་ཤིང་ཕོ་སྟག(༡༩༡༤ལོར)གི་ལོའི་ཧོར་ཟླ་བཅུ་གཅིག་པའི་ཡར་ངོ་ཞིག་ལ་རྨི་ལྟས་བཟང་བོ་དུ་མ་དང་བཅས་ཏེ་འབྱོར་བ་འབྲིང་ཙམ་གྱི་ཁྱིམ་ཚང་ཞིག་ཏུ་སྐུ་འཁྲུངས། ཆུང་དུས་སུ་ཡབ་ཀྱི་མདུན་ནས་ཀ་ཁའི་སྦྱོར་ཀློག་དང་སྐྱབས་འགྲོ་ཁྲིད་སོགས་རྟེན་འབྲེལ་གྱི་སྒོ་འཕར་ཕྱེས་ཏེ་ཐོས་པའི་ཤེས་རབ་འཚོལ་འགོ་བརྩམས། རྩེད་འཇོའི་སྐབས་སུའང་འཆད་ཉན་སྒོམ་སྒྲུབ་ཀྱི་བཟོ་ལྟ་ལྷུན་ཆགས་སུ་འདུག་སྐད།
      ༡༩༢༥ལོར(དགུང་ལོ་བཅུ་གཅིག)བདེ་ཚང་ཁྲི་རྒན་བློ་བཟང་བསྟན་པའི་ཉི་མ་ལས་རབ་ཏུ་བྱུང་སྟེ་མཚན་ལ་བློ་བཟང་བསམ་གཏན་ཞེས་གསོལ་ནས་དམུ་དགེ་བཀྲ་ཤིས་འཁོར་ལོ་དགོན་དུ་ཆོས་གྲྭར་ཞུགས་པ་དང་ཐོག་མར་ཕར་ཕྱིན་སོགས་གཙོས་བློ་རྟགས་དང་ཡིག་གཟུགས་ལ་ཐོས་བརྩོན་རྒྱ་ཆེར་མཛད། དམུ་དགེ་བཀྲ་ཤིས་འཁོར་ལོ་དགོན་ནི་རྗེའི་སློབ་མ་སྔ་ཚར་བཞིའི་ནང་ཚན། ཚ་ཁོ་བ་ངག་དབང་གྲགས་པའི་དཔལ་གྱིས་ཕྱག་འདེབས་མཛད། རྗེས་སུ་སྟོང་འཁོར་སྐུ་ཕྲེང་གསུམ་གྱིས་རིམ་པར་བསྐྱངས། དེ་རྗེས་དགོན་པ་ཀུན་མཁྱེན་འཇིགས་མེད་དབང་པོ་ལ་ཕུལ་ཏེ། འགྲེལ་བ་བཞི་སྦྲགས་གནང་ནས་རྒྱུད་གྲྭ་བཙུགས། དེའི་ཕྱིར་བླ་བྲང་དགོན་གྱི་དགོན་ལག་ཏུ་གྱུར། ཀུན་མཁྱེན་སྐུ་ཕྲེང་གསུམ་པ་འཇིགས་མེད་རྒྱ་མཚོའི་དུས་སུ་མཚན་ཉིད་བཙུགས་པས་སྔ་གཞུག་ཏུ་དགེ་བའི་བཤེས་གཉེན་མང་པོ་བྱུང་ནས་དགོན་པ་ལྷག་ཏུ་དར། དེ་དུས་ཀྱི་སྤྱི་ལོ་༡༩༢༦ལོར་དམུ་དགེ་དགོན་དུ་ཆིབས་བསྒྱུར་གནང་བའི་ཀུན་མཁྱེན་འཇམ་དབྱངས་ཡེ་ཤེས་བསྟན་པའི་རྒྱལ་མཚན་སོགས་ཀྱི་མདུན་ནས་འཇིགས་བྱེད་དང་ཀུན་རིགའཇམ་དབྱངས་དཀར་པོའི་རྗེས་གནང་སོགས་ཀྱིས་མཚོན་པའི་དབང་ལུང་ཁྲིད་གསུམ་མང་དུ་ཞུས་པ་དང་། སྤྱི་ལོ་༡༩༣༣ལོར(དགུང་ལོ་བཅུ་དགུ་བ)བསྡུས་གྲྭ་དང་བློ་རྟགས་སོགས་ལ་ཅུང་ཟད་སྦྱངས་པས་གཞུང་རྒྱུགས་འབུལ་གནང་མཛད་པ་དང་ཆབས་ཅིག་འཛིན་གྲྭའི་སྐྱོར་དཔོན་དུ་བསྐོས་ཏེ་བཤད་སྒྲུབ་བསྟན་པའི་དུང་ཆེན་འབུད་འགོ་བརྩམས། སྤྱི་ལོ་༡༩༣༤ལོར་རྒྱམ་ཁོ་སྤྲུལ་སྐུ་དང་ལྷན་དུ་མདོ་སྨད་བསྟན་པའི་འབྱུང་གནས་བླ་བྲང་བཀྲ་ཤིས་འཁྱིལ་དུ་ཕེབས་ནས་རྨད་བྱུང་ཐོས་བསམ་གླིང་གི་ཆོས་གྲྭར་ཞུགས། ལོ་དེའི་དབྱར་ཁར་པཎ་ཆེན་ཐམས་ཅད་མཁྱེན་པ་བློ་བཟང་ཆོས་ཀྱི་ཉི་མ་བླ་བྲང་དུ་ཕེབས་ནས་དུས་འཁོར་དབང་ཆེན་གསུངས་པ་དང་ཁོང་ཉིད་ནས་ཀྱང་ཚེ་དབང་གི་ལུང་མནོས།མཁས་པའི་དབང་པོ་རྗེ་དཀོན་མཆོག་བསམ་འགྲུབ་ཚང་ཡོངས་འཛིན་དུ་བསྟེན་ནས་ཐུགས་འཛིན་སྐྱོར་སྦྱངས་སོགས་ལ་ཧུར་ཐག་མཛད་པས་རིང་བོར་མ་ཐོགས་པར་བླ་བྲང་བཀྲ་ཤིས་འཁྱིལ་དུ་རིགས་པ་སྨྲ་བའི་གྲས་སུ་ཆུད་དེ་དམུ་དགེ་བསམ་གཏན་ཞེས་མཚན་ཡོངས་སུ་གྲགས།

[…]

ཉན་ཤུལ་མཁྱེན་རབ་འོད་གསལ།

ཉན་ཤུལ་མཁྱེན་རབ་འོད་གསལ།  མཁས་པའི་དབང་པོ་ཉན་ཤུལ་མཁྱེན་རབ་འོད་གསལ་མཆོག་ནི་མདོ་ཁམས་མི་ཉག་རབ་སྒང་གི་ཁོངས་གཏོགས་མགར་ཐར་སོག་ས་རག་ཤུལ༼སོག་རག༽ཞེས་པའི་འབྲོག་སྡེ་ཞིག་ཏུ་རབ་བྱུང་བཅོ་ལྔ་པའི་ཤིང་མོ་གླང་གི་ལོར་སྤྱི་ལོ་1925ལོར་སྐུ་འཁྲུངས།དགུང་ལོ་ལྔ་ལ་སོན་སྐབས་ནས་ཡབ་དམ་པ་དང་།མཁས་བཙུན་བཟང་གསུམ་གྱི་བདག་ཉིད་ཆེན་པོ་གཅེན་པོ་རྒྱལ་ཁམས་བླ་མ་དཀོན་མཆོག་རྣམ་རྒྱལ་གཉིས་ཀྱི་སྐུ་མདུན་ནས་བོད་ཡིག་གི་འབྲི་ཀློག་གཉིས་ལ་བྱང་ཆུབ་པ་བསླབས་པ་དང་།འདོན་རྟ་དབྱངས་དང་།བཅའ་རྡུང་འབུད་དཀྲོལ།གར་ཐིག་དབྱངས་རོལ་སོགས་ལ་སྦྱངས་པ་ལེགས་པར་མཛད་དེ་གཞུང་ཆེན་ཁག་ལ་སྦྱོང་གནང་བའི་རྨང་གཞི་བརྟན་པོ་ཚུགས།རྗེས་སུ་རྫོགས་ཆེན་ཤྲཱི་སིང་ཧའི་བཤད་གྲྭར་ཞུགས་ནས་མཁས་མཆོག་དུ་མར་སློབ་དཔོན་བསྟེན་ཅིང་གཞུང་ཆེན་བཅུ་གསུམ་ལ་ཐོས་བསམ་གྱིས་སྒྲོ་འདོགས་བཅད་ནས་མཁས་པའི་ཡང་ རྩེར་སོན་ཞིང་སྙན་པའི་གྲགས་པ་གངས་ལྗོངས་འཛིན་མའི་རི་ལུང་ཀུན་ཏུ་ཁྱབ་བོ།།    སྤྱི་ལོ་ ༡༩༤༦ ལོར་ལྷ་སར་ཕེབས། བོད་ཀྱི་སྐད་ཡིག་ཞིབ་འཇུག་ཁང་གི་ཀྲུའུ་རིན་གྱི་འགན་བཞེས་ཏེ་སྤྱི་ལོ་ ༡༩༥༩ ལོའི་བར་དུ་བཞུགས། སྔ་རྗེས་སུ་ཀྲུང་དབྱངས་མི་རིགས་སློབ་གྲྭ་ཆེན་མོ་དངལྷོ་ནུབ་མི་རིགས་སློབ་གྲྭ་ཆེན་མོ།སི་ཁྲོན་ཞིང་ཆེན་བོད་ཡིག་སློབ་གྲྭ།  དར་མདོ་དགེ་འོས་ཆེད་སྦྱོང་སློབ་གྲྭ་སོགས་ཀྱིས་གདན་ཞུས་ལྟར་བོད་ཀྱི་རིག་གནས་ཁག་སློབ་ཁྲིད་ཡུན་རིང་གནང་།སྔ་རྗེས་སུ་དགེ་རྒན་ཆེན་མོ་གཞོན་པ་གཅིག་ལྕོགས་ཀྱི་མཚན་ཐོབ་དང་།བོད་ལྗོངས་སྤྱི་ཚོགས་ཚན་རིག་ཁང་གི་ཡོན་ཀྲང་གཞོན་པའི་གོ་ས་དང་ཞིབ་འཇུག་པའི་མཚན་སྙན་དང་གཟི་བརྗིད་ཀྱི་གཟེངས་རྟགས་དུ་མ་ཐོབ།དེ་མཚུངས་སུ༼བོད་རྒྱ་ཚིག་མཛོད་ཆེན་མོ༽རྩོམ་སྒྲིག་ལ་བོད་ཡིག་གི་གཙོ་འགན་བཞེས་པ་དང་། (རྟགས་ཀྱི་འཇུག་པའི་དཀའ་འགྲེལ་གནད་ཀྱི་སྒྲོན་མེ) དང་། (སུམ་ཅུ་པའི་རྣམ་བཤད་ཟུར་གནས་དགྱེས་པའི་གཏམ།) (བོད་རིག་པའི་བྱུང་བ་དང་འབྱུང་འགྱུར་སྐོར་མདོ་ཙམ་བཤད་པ) གསུམ་གྱིས་མཚོན་པའི་པོ་ཏི་ཆེན་པོ་གསུམ་དང་། (གཞོན་ནུའི་སྲོག་སྐྱོབ་བདུད་རྩིའི་ཐིགས་པ) དང་། (མགར་བའི་རིགས་རྒྱུད་ལ་དཔྱད་པ) (གངས་ཅན་ཀུན་བཟོད་སྒེག་མོའི་བཞད་སྒྲ) སོགས་གསུང་རྩོམ་དུ་མ་མཛད་ཅིང་། སྤྱི་ལོ་ ༡༩༩༧ ལོར་སི་ཁྲོན་མི་རིགས་སློབ་གླིང་དུ་དགོངས་པ་ཆོས་དབྱིངས་སུ་འཐིམས། གངས་ལྗོངས་ཉི་གཞོན།

དགེ་རྟགས་སྐུ་འཕྲེང་ལྔ་པ།

དགེ་རྟག་སྤྲུལ་སྐུ་སྐུ་ཕྲེང་ལྔ་པ་བློ་བཟང་བསྟན་འཛིན་གྲགས་པ་ནི་སྤྱི་ལོ་༡༩༠༣ ལོར་དཀར་མཛེས་རྫོང་བེ་རི་ས་ཁུལ་གྱི་ཞིང་པའི་ཁྱིམ་ཚང་ཞིག་ཏུ་སྐུ་འཁྲུངས། དགུང་ལོ་༡༩སོན་དུས་དབུས་མཆོག་ལྷ་སའི་གླིང་དུ་གྲྭ་སར་འགྲིམ། དགུང་ལོ་ཉེར་ལྔའི་ཐོག་དགེ་བཤེས་ཀྱི་གོ་མིང་ཐོབ། བོད་བརྒྱུད་ནང་བསྟན་ཆོས་ལུགས་དང་ལོ་རྒྱུས། རྩོམ་རིག སྐར་རྩིས། གསོ་བ་རིག་པ་བཅས་བྱང་ཆུབ་ཅིང་མཁས་པའི་ཕ་རོལ་དུ་སོན།       སྔོན་མ་དམར་དམག་རྒྱང་སྐྱོད་སྐབས་སུ་དགེ་རྟག་སྤྲུལ་སྐུས་སྐུ་ཉིད་ཀྱི་མཚན་སྙན་ལ་བརྟེན་ནས་དཀར་མཛེས་སུ་སེར་སྐྱ་མང་ཚོགས་ལ་འབྲུ་དངུལ་གྲབས་བསྡུ་བྱེད་དུ་བཅུག་སྟེ་ཏང་དང་དམར་དམག་གི་དོན་དུ་དགེ་མཚན་ལྡན་པའི་ཕྱག་ལས་གནང་། ༡༩༣༦ ལོར་དམར་དམག་ནུབ་ཕྱོགས་ཀྱི་ཁམས་བྱང་དུ་སྐྱོད་སྐབས་དགེ་རྟག་སྤྲུལ་སྐུས་ང་རང་ཉིད་སྤྲུལ་སྐུ་ཞིག་ལ་མཚོན་ན་སངས་རྒྱས་ཀྱིས་གསུངས་པའི་བཀའ་ལྟར་དད་ལྡན་རྣམས་ལེགས་པའི་ལམ་དུ་ཡར་འདྲེན་བྱེད་མཁན་ཞིག་ཡིན། གུང་ཁྲན་ཏང་གིས་འགོ་ཁྲིད་བྱེད་པའི་དམར་དམག་ནི་དབུལ་པོའི་དོན་དུ་སྲིད་དབང་ལེན་མཁན་དམག་དཔུང་ཞིག་ཡིན། ང་ཚོའི་དད་པ་ལ་ཁྱད་པར་ཡོད་ནའང་ཐུན་མོང་གི་དམིགས་ཡུལ་ནི་ཉམ་ཐག་ཅན་རྣམས་སྐྱོབ་པའི་ཆེད་དུ་ཡིན་ཞེས་གསལ་པོ་གསུངས། དགེ་རྟག་སྤྲུལ་སྐུས་དམར་དམག་ལ་རྒྱབ་སྐྱོར་རོགས་རམ་ཤུགས་ཆེན་གནང་བའི་མཛད་རྗེས་རྣམས་དཀར་མཛེས་ས་ཁུལ་གང་སར་དུ་ཁྱབ། སྤྱི་ཁྱབ་དམག་སྤྱི་ཀྲུའུ་ཏེ་དཀར་མཛེས་སུ་འབྱོར་སྐབས་བེ་རི་དགོན་པར་དགེ་རྟག་སྤྲུལ་སྐུ་ལ་གཟིགས་པར་ཕེབས་ནས་ཐུགས་བརྩེ་ཆེན་པོས་བཀའ་མོལ་གནང་བ་དང་ཁོང་གིས་བོད་རིགས་མི་དམངས་ཀྱི་བཅིངས་འགྲོལ་དོན་དུ་འབད་བརྩོན་ལྷོད་མེད་གནང་བར་སྐུལ་མ་གནང་། དམར་དམག་གི་སྤྱི་ཁྱབ་ཆབ་སྲིད་ཨུ་ཡོན་ཁྲང་ཧའོ་ཡིས་ཆེད་མངགས་རྩ་ཚིག་བཀྲམས་ཏེ་དགེ་རྟག་སྤྲུལ་སྐུའི་རྒྱལ་གཅེས་ཀྱི་བྱ་སྤྱོད་ལ་ཐུགས་རྗེ་ཆེ་ཞུས་པ་དང་འབྲེལ་བསྔགས་བརྗོད་གནང་།       ཀྲུང་གོ་གསར་པ་དབུ་བརྙེས་པའི་ཐོག་མའི་དུས་སུ་ཞི་ཁམས་ཞིང་ཆེན་ལ་ད་དུང་ཡང་བཅིངས་འགྲོལ་ཐོབ་མེད་པས་དགེ་རྟག་སྤྲུལ་སྐུས་གསང་བའི་ཐོག་ནས་འཐུས་མི་མངགས་ཏེ་གོ་མིན་ཏང་གིས་བཀག་སྡོམ་བྱེད་གནས་ནས་བསྐོར་ཏེ་མཚོ་སྔོན་བརྒྱུད་དེ་པེ་ཅིང་དུ་བསྐྱོད་པ་དང་མའོ་ཀྲུའུ་ཞི་དང་སྤྱི་ཁྱབ་དམག་སྤྱི་ཀྲུའུ་ཏེ་རྣམ་གཉིས་ལ་གོས་དར་ཕུལ། ༡༩༥༠ ལོའི་དཔྱིད་ཀར་མི་དམངས་བཅིངས་འགྲོལ་དམག་གིས་དར་རྩེ་མདོ་བཅིངས་འགྲོལ་བཏང་རྗེས་ཁོང་སྐུ་ངོ་མས་དཀར་མཛེས་སུ་མང་ཚོགས་སུམ་སྟོང་ལྷག་ཞུགས་ཡོད་པའི་ཚོགས་ཆེན་གཙོ་སྐྱོང་གནང་སྟེ་དར་རྩེ་མདོ་བཅིངས་འགྲོལ་བཏང་བར་དགའ་བསུ་ཞུས་པ་མ་ཟད། འཐུས་མིར་ཕྱག་རྟགས་དང་ཕྱག་བྲིས་ཀྱང་བསྐུར་ཏེ་ཆེད་མངགས་ཀྱིས་དར་རྩེ་མདོར་རུ་བཅིངས་འགྲོལ་དམག་ལ་དགའ་བསུ་ཞུས། ༡༩༥༠ ལོའི་ཟླ་བ་༤ པའི་ཟླ་མཇུག་ཏུ་དམག་དཔོན་ཆེན་པོ་ཝུའུ་ཀྲུང་དང་ཐེན་པའོ་སངས་རྒྱས་ཡེ་ཤེས་ཀྱིས་མི་དམངས་བཅིངས་འགྲོལ་དམག་སྣེ་ཁྲིད་དེ་དཀར་མཛེས་རྫོང་དུ་ཕེབས་སྐབས་དགེ་རྟག་སྤྲུལ་སྐུའི་བཞུགས་གནས་སུ་འཚམས་འདྲིར་ཕེབས་པ་མ་ཟད། […]

ཚིག་དཔར་སྐོར་གྱི་ཤེས་བྱ།

ཚིག་དཔར་(WordPress) སྐོར་ངོ་སྤྲོད་ཅུང་ཟད་ཞུ་ན་འདོད། འདི་ན་ཚིག་པར་དང་། དཔེ་སྒྲོམ། མཐུད་སྣེ་བཅས་རྩ་བའི་ཆ་ནས་སྡེ་ཚན་ནམ་ནང་ངོས་སུ་ཆ་ཆས་མི་འདྲ་བ་གསུམ་ཡོད། དེ་ཡང་ཚིག་དཔར་ནི་རྩ་བའི་གཞི་མ་སྟེ། དཔེ་སྒྲོམ་དང་མཐུད་སྣེ་གཉིས་ཀྱི་བརྟེན་གཞི་ལྟ་བུ་དེ་ཡིན། འདིའི་སྐོར་རྗེས་དྲ་མིང་དྲ་ཚིགས་ཐོ་འགོད་སྐབས་སུ་ཞུ་ན་འདོད། དེ་རིང་འདིར་དཔེ་སྒྲོམ་དང་མཐུད་སྣེ་གཉིས་ཀྱི་རྩ་བའི་ངོ་བོ་དང་བྱེད་ལས་འཆད་པར་བྱ་བ་ལ་གཉིས་ལས། དང་པོ་དཔེ་སྒྲོམ་ནི། གཙོ་བོ་རྣམ་པ་ (མུ་འགོད་་་)

བརྡ་འཕྲིན་གྱི་ཐ་སྙད་སྐོར།

དེང་གི་བརྡ་འཕྲིན་གྱི་དུས་རབས་འདིར་རང་རིས་བོད་ཀྱི་སྐད་ཡིག་འདི་ན་མ་སོན་པའི་བྱིས་པ་བཞིན་ལུས་འདུག་ན་བོད་ཀྱི་ཚེ་སྲོག་ཡུན་དུ་སྲིང་འདོད་པ་དག་གིས་ངེས་པར་དུ་ཅི་ཞིག་གནང་རན་པའི་དུས་ལ་བབ་ཡོད། ཐ་སྙད་ཤིག་གསར་པ་བཟོ་རྒྱུ་ནི་ལས་སླ་མོ་ཞིག་ཡིན་ཡང་། དེ་སྤྱི་ཚོགས་སུ་ཡོངས་གྲགས་སུ་བེད་སྤྱོད་གཏོང་ཐུབ་ནི་ལས་སླ་མོ་ཞིག་མ་རེད། དེར་རྟེན་ད་ཕན་ང་ཚོའི་སྤྱི་ཚོགས་སུ་རྒྱུ་རྐྱེན་མང་དག་ཞིག་གིས་ཐ་སྙད་གསར་པ་མང་དག་ཞིག་ཡུལ་སོ་སོའི་སྐད་སྤྱོད་པ་ལས་བོད་ཀྱི་ཐ་སྙད་སྤྱོད་བཞིན་མེད། (མུ་འགོད།)

BosniaGermanEnglish
Follow by Email
Facebook
Facebook
YouTube
YouTube
INSTAGRAM
ལག་ཆའི་ཚང་ལ་མཆོང་།